ஒரு காதலனின் கடுப்பு கவிதை

காதலித்துப் பார்...
தூக்கம் தூரமாகும்
அதிகாலை கண் எரியும்
ரீசார்ஜ் கடைக்காரன் உனக்கு நண்பனாவான்
ஏ.டி.எம் தேயும்
பெட்ரோல் டேங்க் புள்ளத்தாச்சி ஆகும்
பர்சுக்கு அடிக்கடி பிரசவம் நடக்கும்
நைட் ஷோ குறையும்
எச்.பி.ஓ மருவி சன்மியூசிக் ஆகும்
டி சர்ட்டுகள் துவைக்கப்படும்
கண்ணாடி காறித் துப்பும்
மேட்சிங் கலர் சட்டை தேடியே பீரோ சரியும்
உனக்கு பிடித்த கலர் மறந்து போகும்

படிப்பு பப்ளிக் ஆகும்
சரக்கு சீக்ரெட் ஆகும்
ஆல் லேடீஸ் ஆர் மை எல்டெர் சிஸ்டர்,யங்கர் சிஸ்டர் ஆவார்கள்
நண்பர்கள் ஒண்ணு விட்ட ரிலேசன் ஆவார்கள்
"அவ கிட்ட கேட்டுட்டு சொல்றேன்"
கமிட்மெண்டுகளுக்கு இதுவே விடையாகும்
ஓட்டல் மெனுக்கள் மனப்பாடம் ஆகும்
முதல் நாள் முதல் ஷோ-பழைய கதை ஆகும்
பலமுறை கண்ணம் கிள்ளி
கொஞ்சப்பட்ட குழந்தைகள் டார்ச்சராகும்
நாய்குட்டிகள் தெறித்து ஓடும்

வானம், நிலா, பூ , காற்று, இதயம், கடல், மேகம்
எல்லாம் உன் கவிதைக்கு கண்டனக் கூட்டம் போடும்
மட்டமான காதல் படங்களை கூட
ஃபீலிங்கோடு பார்க்க வேண்டி வரும்
ஆமாம் போட்டு கழுத்து வலிக்கும்
பெண் நண்பர்களுக்கு ஆண் பெயர் வைக்கப்படும்
மொத்தத்தில் லைஃப் நல்லாருக்கும்...